ހަވީރު ފަހެއް ޖެހުމާއި ހަމައަށް 2 ލައްކަ އަށްވުރެ ގިނަ މީހުން ވޯޓުލާފައިވާ ކަމަށް އިލެކްޝަންސް ކޮމިޝަނުން ބުނެފިއެވެ.
އެގޮތުން އެކޮމިޝަނުން އެންމެ ފަހުން އާއްމުކުރި ތަފާސް ހިސާބުތައް ދައްކާގޮތުން ހަވީރު ފަހެއް ޖެހުމާއި ހަމައަށް ދެލައްކަ ހަތްހާސް ހަސަތޭކަ ނުވަދިހަ ތިން މީހުން ވަނީ ވޯޓުލާފައެވެ.
މީގެތެރޭގައި ހިމެނެނީ އެއްލައްކަ ހަތަރުހާސް ހަސަތޭކަ ސައްބީސް ފިރިހެނުންނާއި އެއްލައްކަ ދެހާސް އަށް ސަތޭކަ ފަސްދޮޅަސް ހަތް އަންހެނުންނެވެ.
އިލެކްޝަންސް ކޮމިޝަނުން ބުނީ މިއީ ވޯޓުލެވޭ އާބާދީގެ 72.96 އިންސައްތަ ކަމަށެވެ.
މިއިންތިހާބުގައި ވޯޓުއެޅުމުގެ ހައްގު ލިބިފައިވަނީ ދެލައްކަ އަށްޑިހަ ހަތަރުހާސް ހަސަތޭކަ ފަސްދޮޅަސް ތިން މީހުނަށެވެ.