މިއަދު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގެ ވޯޓްލުމަށް އޮތް ވަގުތު ހަމަވުމާއެކު ކިއުތައް ބަންދުކޮށް، ވޯޓް ފޮށިތައް ގުނަން ފަށައިފިއެވެ.
ރައްޔިތުންގެ މަޖިލީހުގެ އިންތިޚާބުގެ ވޯޓުލުން ރާއްޖޭގެ އެކި ކަންކޮޅުތަކުގައި ފަށާފައިވަނީ މިއަދު ހެނދުނު 8:00 ގައެވެ. އަދި ހަވީރު 5:30އާ ހަމައަށް ވޯޓްލުމުގެ ފުރުސަތު އޮތީ ހުޅުވާލާފައެވެ.
އިލެކްޝަންސް ކޮމިޝަނުން ބުނީ މިއަދު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގައި ހަވީރު 5:00 ޖެހުމާއި ހަމައަށް 72.96 އިންސައްތަ މީހުން ވޯޓްލާފައިވާކަމަށެވެ. އެއީ ވޯޓްލުމުގެ ހައްގު ލިބިފައިވާ 284663 މީހުންގެ ތެރެއިން 207693 މީހުންނެވެ. އޭގެތެރޭގައި ހިމެނެނީ 102867 އަންހެނުންނާއި 104826 ފިރިހެނުންނެވެ.
