ސާލިހު ސަރުކާރުގެ ޗީފް އޮފް ސްޓާފްގެ މަގާމު ފުރުއްވި އަލީ ޒާހިރު (އަލިޕީ) އާއި ވިޔަފާރިވެރިޔާ އާއްޓެގެ ދަރި ޒައިދު އާއި ވާދަކޮށް ފެލިދޫ ދާއިރާގެ ގޮނޑި އާދަމް ޒާހިރު ކާމިޔާބު ކުރައްވައިފިއެވެ.
މިއަދު ކުރިއަށް ދިޔަ ރައްޔިތުންގެ މަޖިލީހުގެ އިންތިހާބުގައި ފެލިދޫ ދާއިރާއަށް ހަތަރު ކެންޑިޑޭޓުން ވާދަކުރެއްވިއެވެ.
ސަރުކާރު ހިންގާ ޕީއެންސީގެ ކެންޑިޑޭޓު އާދަމް ޒާހިރު ގޮނޑި ކާމިޔާބު ކުރެއްވީ 223 ވޯޓު ހޯއްދަވައިގެންނެވެ. އަދި އެމްޑީޕީގެ ތާއީދާއެކު އަމިއްލަ ގޮތުން ވާދަކުރެއްވި އަލީ ޒާހިރު އަށް ލިބިފައިވަނީ 154 ވޯޓުންނެވެ.
ފެލިދޫ ދާއިރާގައި ހިމެނެނީ ފެލިދޫ، ފުލިދޫ އަދި ތިނަދޫއެވެ. މި ދާއިރާއަކީ އެމްޑީޕީގެ ވެރިކަން އޮތްއިރުވެސް އެ ދާއިރާގެ ގޮނޑިއަށް ޕީޕީއެމްގެ ފަރާތުން ވާދަކުރެއްވި ފަޒުލް ރަޝީދު އިންތިހާބު ކުރި ދާއިރާއެކެވެ.
