ސްކޫލް ބަންދާއި ގުޅިގެން، ޕާސްޕޯޓުގެ ޚިދުމަތަށް އެދޭ ފަރާތްތައް ގިނަވެފައިވާތީ މިއަދުވެސް ޕާސްޕޯޓު ދޫކުރަން އިމިގްރޭޝަނުން ނިންމައިފިއެވެ.
މޯލްޑިވްސް އިމިގްރޭޝަނުންކޮށްފައިވާ އިއުލާނެއްގައި ބުނީ މިއަދަކީ ސަރުކާރު ބަންދު ދުވަހެއް ނަމަވެސް ޕާސްޕޯޓު ދޫކުރުމުގެ އިންތިޒާމު ވަނީ ހަމަޖެހިފައި ކަމަށެވެ.
އެގޮތުން ޕާސްޕޯޓާއި ހަވާލުވުމަށް ކިއުބީ މެދުވެރިކޮށް ނަމްބަރު ދޫކުރުން ހެނދު 8:30 އިން ފެށިގެން ހަވީރު 5:00 ޖަހަންދެން ކުރިއަށް ގެންދާނެ ކަމަށެވެ.
ނަމަވެސް މެންދުރު 12:00 އިން 12:45 އަށް ހިދުމަތް މެދުކެނޑޭނެ ކަމަށް އިމިގްރޭޝަނުން ހާމަކުރެއެވެ.
މިހާރު ހަމަޖައްސާފައިވާ ގޮތުން އިމުގާ މެދުވެރިކޮށް 24 ގަޑިއިރު ޕާސްޕޯޓުގެ ހިދުމަތަށް އެދެވޭނެއެވެ.
