މި އަހަރުގެ ޒުވާނުންގެ ޒުވާނުންގެ އެވޯޑަށް ކުރިމަތިލުމުގެ ފުރުސަތު ޔޫތް މިނިސްޓްރީން ހުޅުވާލައިފި އެވެ.
ޔޫތް މިނިސްޓްރީން ނެރުނު އިއުލާނެއްގައި ވަނީ 12 އޮގަސްޓް 2024 ގައި މި އަހަރުގެ ޒުވާނުންގެ ދުވަސް ފާހަގަކުރުމަށް ހަމަޖެހިފައިވާ ކަމަށެވެ. އަދި މިއަހަރުވެސް ޒުވާނުންގެ އެވޯޑުގެ ގޮތުގައި ތަފާތު 17 ދާއިރާއަކުން އިނާމު ދިނުމަށް މިނިސްޓްރީން ވަނީ ނިންމާފައެވެ.
މިއަހަރު ޒުވާނުންގެ އެވޯޑް ދިނުމަށް ހަމަޖެހިފައިވާ ދާއިރާތަކަކީ:
ވިޔަފާރިއާއި އިޤްތިޞާދު
އާރޓްސް އެންޑް ކަލްޗަރ – ފަންނުވެރިކަމާއި ޘަގާފަތް ދިރުވުން
މަސްތުވާތަކެއްޗާ ދެކޮޅަށް މަސައްކަތްކުރުންދަރުމަވެރިކަން
ދަރުމަވެރިކަން
ވޮކޭޝަނަލް ޓްރެއިނިންގް – ދަސްކޮށްދިނުން
ނަފްސާނީ ދުޅަހެޔޮ ސިއްޙަތެއް ބިނާ ކުރުމަށް މަސައްކަތް ކުރުން
ތިމާވެށި ހިމާޔަތް ކުރުމަށް މަސައްކަތް ކުރުން
މަސްވެރިކަމުގެ ދާއިރާ
ދަނޑުވެރިކަމުގެ ދާއިރާ
މިންތީގެ ހަމަހަމަކަން ޤާއިމް ކުރުމަށް މަސައްކަތްކުރުން
ނުކުޅެދުންތެރިކަން ހުންނަ ފަރާތްތަކުގެ ބާރުވެރިކަން އިތުރު ކުރުމަށް މަސައްކަތްކުރުން
ޒުވާނުންގެ ބާރުވެރިކަން އިތުރުކުރުމަށް މަސައްކަތްކުރުން
ހަށިހެޔޮ ދުޅަހެޔޮ ސިއްޙަތެއް ބިނާކުރުމަށް މަސައްކަތްކުރުން
ދިވެހިބަސް ދިރުވުމަށް މަސައްކަތް ކުރުން
ކުޅިވަރުގެ ދާއިރާއިން – ކުޅިވަރުގެ ދާއިރާއިން އާދަޔާ ހިލާފު ހުނަރެއް ދައްކާފައިވާ ފަރާތަކަށް
ފަންނިއްޔާތުގެ ދާއިރާ
ޝަހީދު ޖަވާދު ޢުމަރުގެ ހަނދާނީފިލާ
މިނިސްޓްރީން ވަނީ ޒުވާނުންގެ އިނާމަށް ނަން ހުށަހެޅުމަށް ޝަރުތުހަމަވާ ފަރާތްތަކުން، 04 ޖުލައި 2024 ވާ ބުރާސްފަތި ދުވަހުގެ 13:00 ގެ ކުރިން އެޕްލިކޭޝަން ފޯމް ފޮނުވަން ހުޅުވާލާފައެވެ. އަދި ގޫގުލް ލިންކް https://forms.gle/MGcJfPpnQ5vcmdxd6 އާއި މިނިސްޓްރީ މިނިސްޓްރީ އަދި [email protected] މެދުވެރިކޮށްވެސް ފޯމު ހުށަހެޅޭނެކަމަށް މިނިސްޓްރީން ވިދާޅުވެފައިވެއެވެ.
ޒުވާނުންގެ އިނާމަކީ ތަފާތު ދާއިރާތަކުން ޤައުމުގެ ތަރައްޤީއަށް ޒުވާނުންކުރާ އަގުހުރި މަސައްކަތްތައް ފާހަގަކޮށް ހިތްވަރު ދިނުމުގެ ގޮތުން ދެވޭ އިނާމެކެވެ.
އަދި މި އިނާމަކީ ޤައުމުގެ ތަރައްޤީގައި ޒުވާނުން އަދާކުރާ މުހިންމު ދައުރު ފާހަގަކޮށް ޒުވާނުންނަކީ މުޖުތަމަޢުއަށް ފައިދާހުރި، އުފެއްދުންތެރި ،ޒިންމާދާރު ބަޔަކަށް ހެދުމަށް ބާރުއަޅައި، ވާގި ދިނުމުގެ ގޮތުން ދެވޭ އިނާމެއް ކަމަށް މިނިސްޓްރީން ވިދާޅުވެފައި ވެއެވެ.