މި މަހުން ފެށިގެން ރާއްޖޭގެ ފަސް ރީޖަނަލް ހޮސްޕިޓަލެއްގައި ސްޕެޝަލިސްޓް ޑޮކްޓަރުން ތިބޭ ވަގުތު އިތުރުކުރަން ހެލްތު މިނިސްޓްރީން ނިންމައިފި އެވެ.
މިނިސްޓްރީން ވަނީ ހަމައެކަނި ދުވާލުގެ ރަސްމީ ގަޑިތަކުގެ ބަދަލުގައި ކޮންމެ ދުވަހަކު ވެސް ދެ ދަންފަޅިއެއްގައި ސްޕެޝަލިސްޓް ހިދުމަތްތައް ލިބޭނެގޮތް ހަމަޖައްސާފައެވެ.
އެގޮތުން ކުޅުދުއްފުށީ ރީޖަނަލް ހޮސްޕިޓަލްގެ ސްޕެޝަލިސްޓުންގެ ވަގުތު މިމަހު އެއްވަނަ ދުވަހުން ފެށިގެން އިތުރުކުރަން ނިންމާފައިވާއިރު، އުނގޫފާރު ރީޖަނަލް ހޮސްޕިޓަލާއި ގަމު ރީޖަނަލް ހޮސްޕިޓަލާއި ޑރ އަބްދުއްސަމަދު މެމޯރިއަލް ހޮސްޕިޓަލާއި އައްޑޫ އިކުއިޓޯރިއަލް ހޮސްޕިޓަލުން ވެސް މިމަހު 15 އިން ފެށިގެން ޑޮކްޓަރުން ތިބޭ ވަގުތު އިތުރުކުރާނެއެވެ.
މީގެ ކުރިން ސްޕެޝަލިސްޓުންގެ ހިދުމަތް ދެމުން އައީ ހެނދުނު 09:00 އިން ހަވީރު 16:00 އަށެވެ. އާ ޝެޑިއުލާއެކު، މި ހޮސްޕިޓަލްތަކުން ސްޕެޝަލިސްޓުންނަށް ޒިޔާރަތްކުރުމުގެ ފުރުސަތު ހެނދުނު 16:00 އިން ރޭގަނޑު 19:00 އަށް ނުވަތަ ރޭގަނޑު 22:00 އަށް ލިބޭނެ އެވެ.
ހެލްތް މިނިސްޓްރީން ފާހަގަކުރާ ގޮތުގައި އެޕޮއިންޓްމަންޓް ވަގުތު އިތުރުވުމުގެ ސަބަބުން ރަށްރަށުގެ މުޖުތަމައުތަކަށް ވަރަށް ބޮޑު ފައިދާއެއް ކުރާނެ އެވެ.