ޓޫރިޒަމް މިނިސްޓްރީން އިންތިޒާމު ކޮށްގެން “ފަތުރުވެރި އާއިލީ ހަވީރު” ގެ ނަމުގައި ޚާއްޞަ ހަރަކާތެއް މިއަދު ހުޅުމާލޭ ފޭސް އެކެއްގެ ބީޗުގައި ބޭއްވުމަށް ނިންމައިފިއެވެ. މި ހަރަކާތަކީ ހަފްތާ 52 ގެ މުނާސަބަތުގައި 15 ނޮވެމްބަރު 2024 ވާ ހުކުރު ދުވަހުގެ ހަވީރު 4 އިން 6 އަށް ބާއްވާ ހަރަކާތެކެވެ.
މި ހަވީރުގައި ކުޑަކުދިންނަށް ޚާއްޞަ ތަޢުލީމީ ހަރަކާތްތަކާއި މޫދު ކުޅިވަރުތައް ހިމެނިފައިވެއެވެ. މީގެ ތެރޭގައި ސޯލްޓީޕީޕަލްގެ އަންޑަވޯޓަރ އާޓްސް އެންޑް ކްރާފްޓްސް އަދި ސީހޮލިކްސްގެ ފަންޓިއުބު، ބަނާނާ ރައިޑް، އަދި ޖެޓްސްކީ ފަދަ މޫދު ކުޅިވަރުތައް ހިމެނެއެވެ.
އިތުރުން، މި ހަރަކާތުގައި ތިމާވެށި ހިމާޔަތް ކުރުމާ ގުޅޭ ގޮތުން ހޭލުންތެރިކަން އިތުރުކުރުމަށް އެކި ހަރަކާތްތައް ބޭއްވުމަށް ހަމަޖެހިފައިވެއެވެ. މީގެ ތެރޭގައި މޫދު ބުޅާގެ އިންފޮމޭޝަން ޑެސްކާއި، ޕާލޭ މޯލްޑިވްސް އެންޖީއޯގެ މައިކްރޯޕްލާސްޓިކް ކަލެކްޝަން، އެވްރީ ސެކަންޑް ބްރީތް، އެވޮއިޑް އެންޑް ރީ ޑިޒައިން، އަދި އެމްއޯޕީއޭ އެންޖީއޯގެ އިންފޮމޭޝަން ޑެސްކް ހިމެނެއެވެ.
މި ހަވީރުގެ ބައިވެރިންނަށް ޚާއްޞަ ލަކީޑްރޯއެއްވެސް އޮންނާނެކަމަށް ޓޫރިޒަމް މިނިސްޓްރީން ވަނީ ބުނެފައެވެ. މި ލަކީޑްރޯގައި ކަނޑިންމަ މޯލްޑިވްސްގައި ދެ ރޭ މަޑުކުރުމުގެ ފުރުޞަތާއި، ސްޓޯންސް ހޮޓެލްސްގައި ދެ ރޭ މަޑުކުރުމުގެ ފުރުޞަތު އަދި 3 ކުޑަކުދިންގެ ބައިސްކަލު ހިމެނެއެވެ.
މި ހަރަކާތް ބޭއްވުމަށް ހަމަޖެހިފައިވަނީ ހުޅުމާލެ ފޭސް 1 ބީޗުގައި، ދިރާގު އެންޓަނާ ފުރަގަހުގައެވެ. މި ހަރަކާތަކީ ފަތުރުވެރިކަމުގވެރިކަމުގެ ދާއިރާއާ ގުޅޭގޮތުން އާންމުންގެ ހޭލުންތެރިކަން އިތުރުކޮށް، އާއިލާތަކަށް މުނިފޫހިފިލުވުމުގެ ފުރުޞަތު ހޯދައިދިނުމަށް ބާއްވާ ހަރަކާތެކެވެ.