ރާއްޖެ އިން ތައިލެންޑަށް ކަނޑައަޅާ ސަފީރުކަމަށް އިލެކްޝަންސް ކޮމިޝަން (އީސީ) ގެ ކުރީގެ ރައީސް ފުއާދު ތައުފީގުގެ ނަން ރައްޔިތުންގެ މަޖިލީހުގެ ތަޅުމަށް ހުށަހަޅައިފި އެވެ.
ފުވާދު އެ މަގާމަށް އައްޔަނުކުރަން ރައީސް ޑރ. މުހައްމަދު މުއިއްޒު ފޮނުއްވި ސިޓީ ރައްޔިތުންގެ މަޖިލީހުގެ މިއަދުގެ ޖަލްސާގައި ވަނީ އިއްވައިފަ އެވެ.
އެ ސިޓީގައި ފުއާދު، ތައިލެންޑްގެ ސަފީރުކަމަށް އައްޔަނު ކުރުމާމެދު މަޖިލީހުން ނިންމެވަވާ ގޮތް އެންގެވުމަށް އެދިފައިވެ އެވެ. އެހެންވެ އެކަމާ މެދު ގޮތެއް ނިންމުމަށް ޚާރިޖީ ގުޅުންތަކާ ބެހޭ ކޮމިޓީއަށް ވަނީ ފޮނުވައިފަ އެވެ.
ފުވާދު މީގެ ކުރިން ވަނީ އިލެކްޝަންސް ކޮމިޝަންގެ ރައީސްކަމުގެ މަގާމު ދެ ދައުރު ފުރިހަަމަ ކުރައްވައިފަ އެވެ. އަދި ފުވާދުގެ ގައުމީ ޚިދުމަތުގެ ވަރަށް ގިނަ ދުވަސްތައް އިލެކްޝަން ކޮމިޝަންގައި ހޭދަކުރައްވާފައި ވެއެވެ.
އިލެކްޝަންސް ކޮމިޝަންގައި ފުވާދުގެ ދައުރު ހަމަވީ ހޮނިހިރު ދުވަހުއެވެ.