ދަރުމަވަންތަ ހޮސްޕިޓަލް ކައިރިން ބޭރު ތޮށިގަނޑު ކައިރިން މޫދން ފެނުނީ އެ ދިމާލުން ދުއްވާފައި ދިޔަ “އުޅަނދެއް” ގައި ޖެހިގެން އަނިޔާވެފައި އޮތް މީހެއްކަމަށް ބެލެވޭކަމަށް ފުލުހުން ބުނެފިއެވެ.
ފުލުހުން ބުނެފައިވާގޮތުން ބޭރު ތޮށިގަނޑު ކައިރީގައި އަނިޔާވެފައި އޮތް މީހަކު ފެނިފައިވަނީ މިއަދު ހެނދުނުގެ ވަގުތެއްގައެވެ. އެއީ ދިވެހި ފިރިހެނެއް ކަމަށާއި، އޭނާ އައިޖީއެމްއެޗަށް ގެންގޮސްފައިވާ ކަމަށް ފުލުހުން ވަނީ ބުނެފައެވެ.
މިހާދިސާއާއި ގުޅިގެން ހޮސްޕިޓަލާއި ހަވާލާދީ ފުލުހުން ބުނީ، އެ މީހާގެ ބޮލަށް އަނިޔާވެފައިވާ ކަމަށެވެ.
މިކަމާއި ގުޅޭ އިތުރު ތަފްސީލެއް ފުލުހުން ދީފައެއް ނުވެއެވެ.