ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން އިސްނަގައިގެން ކުރިއަށް ގެންދިޔަ ޚާއްޞަ ހަރަކާތެއްގެ ދަށުން، މާލޭގެ އިންޑަސްޓްރިއަލް ވިލެޖް ސަރަހައްދުން 58 ޓަނުގެ ކުނި ނަގައި ސާފުކޮށްފިއެވެ.
ވެމްކޯގެ މެނޭޖިން ޑައިރެކްޓަރ މުޖުތަބާ ޖަލީލު ވިދާަޅުވީ، އިންޑަސްޓްރިއަލް ވިލެޖް ސަރަހައްދަކީ ގަވާއިދާ ޚިލާފަށް ކުނި އަޅަމުން ދިޔުމުގެ ސަބަބުން ވަރަށް ބޮޑަށް ގޮނޑުވެފައިވާ ސަރަހައްދެކެވެ.
އަދި މިފަދަ ސަރަހައްދުތައް ސާފުކޮށް، މާލޭގެ ވެށި ރީތިކޮށް ބެހެއްޓުމަކީ ވެމްކޯގެ އަމާޒުތަކުގެ ތެރޭގައި ހިމެނޭ ކަމެއްކަމަށްވެސް އެމްޑީ ވިދާޅުވިއެވެ..
ސާފުކުރުމުގެ މި ހަރަކާތް ކުރިއަށް ގެންގޮސްފައިވަނީ ވެމްކޯގެ މުވައްޒަފުންނެވެ.
ވެމްކޯއިން ވަނީ ވެށި ސާފުކޮށް ބެހެއްޓުމަކީ އެންމެންގެ ޒިންމާއެއްކަމަށާއި، އަދި ކުނި އުކާލުމުގައި ގަވާއިދުތަކަށް ތަބާވުމަށާއި، ކުނި ނައްތާލުމުގެ ރަނގަޅު އާދަތައް ދަސްކުރުމަށް ހުރިހާ ރައްޔިތުންނަށް ގޮވާލާފައެވެ.
https://www.facebook.com/share/v/15crnEie9E/?mibextid=WC7FNe
ވެމްކޯއިން އިސްނަގައިގެން މާލެ ސާފުކުރުމުގެ މަސައްކަތް ފަށާފައި މިވަނީ މާލޭގެ އެކި ސަރަހައްދުތައް ސާފުނުކުރާތާ ގިނަ ދުވަސްތަކެއްވެ ގޮނޑުވެފައި ވަނިކޮށެވެ.
މާލެ ތެރެ ސާފުކުރުމަކީ މާލެ ސިޓީ ކައުންސިލްގެ ޒިންމާއެއް ނަމަވެސް މިހާރު އެ ކަން ސިޓީކައުންސިލުން ނުއެއް ކުރެއެވެ.