ޖަލުތަކުގައި ތިބޭ ގައިދީން ގުޅައިގެން ގާނޫނާއި ގަވާއިދާ ހިލާފު އަމަލުތައް ހިންގަމުންދާކަން ފާހަގަކުރެވިފައިވާތީ، އެފަދަ ކޯލުތަކުގެ ނަމްބަރުތައް ހިއްސާކުރުމަށް ހޯމް މިނިސްޓްރީން މިއަދު އާންމުންގެ ކިބައިން އެދިއްޖެ އެވެ. މިނިސްޓްރީން މިއަދު ނެރުނު އިޢުލާނެއްގައި ބުނެފައިވަނީ، ޖަލުތަކުގައި ތިބޭ ގައިދީން އެކި ފަރާތްތަކަށް ގުޅައިގެން ގާނޫނާއި ގަވާއިދާ ހިލާފު އަމަލުތައް ހިންގަމުންދާކަން ސަރުކާރަށް ފާހަގަކުރެވިފައިވާ ކަމަށެވެ.
މިފަދަ ކުށްތައް ހުއްޓުވުމަށްޓަކައި، ސަރުކާރުން ވަނީ އެފަދަ ކޯލުތައް ރިޕޯޓުކުރެވޭނެ ޚާއްސަ އިންތިޒާމެއް ހަމަޖައްސާފަ އެވެ. މިނިސްޓްރީން ބުނެފައިވާ ގޮތުގައި، ޖަލުތަކުން ލިބޭ ކޯލެއްކަމަށް ޝައްކުވާ ނަމަ، އާންމުންގެ ފަރާތުން އެ ނަމްބަރު ހިއްސާކުރުމަށް ވަނީ އެދިފަ އެވެ.
ނަމްބަރުތައް ހިއްސާކުރުމަށް ހޯމް މިނިސްޓްރީން ވަނީ އެކަމަށް ޚާއްސަކޮށްފައިވާ އޮންލައިން ޕްލެޓްފޯމެއް ތައްޔާރުކޮށްފަ އެވެ. އެހެންކަމުން، އެފަދަ ކޯލެއް ލިބިއްޖެ ނަމަ، މިނިސްޓްރީން އެކަމަށް ހާއްސަކޮށްފައިވާ އޮންލައިން ޕްލެޓްފޯމަށް އެ ނަމްބަރު ހިއްސާކުރުމަށް އާންމުންނަށް އިލްތިމާސްކުރެ އެވެ. މި ޕްލެޓްފޯމުގެ ޒަރީއާއިން އާންމުންނަށް ލިބޭ ޝައްކުކުރެވޭ ކޯލުތަކުގެ ތަފްސީލު މިނިސްޓްރީއާ ހިއްސާކުރެވޭނެ އެވެ.
ޖަލުތަކުގެ ސަލާމަތާއި ރައްކާތެރިކަން ކަށަވަރުކުރުމާއި، ގާނޫނާއި ގަވާއިދުތަކަށް ބޯލެނގުމަށްޓަކައި މިފަދަ ކޯލުތަކުގެ ސަބަބުން ހިންގޭ ގާނޫނާ ހިލާފު އަމަލުތައް ހުއްޓުވުމަށް އާންމުންގެ އެއްބާރުލުން ވަރަށް މުހިންމު ކަމަށް ހޯމް މިނިސްޓްރީން ފާހަގަކުރެ އެވެ.