މިމަހުގެ 12 އިން 18 އަށް މާލެ ސަރަހައްދުން އެކަނިވެސް 231 މީހުން ކޮވިޑް19 އަށް ޕޮޒިޓިވްވެފައިވާ ކަމަށް އެޗްޕީއޭގެ ތަފާސް ހިސާބުތަކުން ދައްކައިފިއެވެ.
ހެލްތް ޕްރޮޓެކްޝަން އެޖެންސީން އާއްމު ކުރި ތަފާސް ހިސާބުތައް ދައްކާގޮތުން ނިމުނު ހަފުތާނގާ މުޅި ރާއްޖެއިން ވަނީ 405 މީހުން ޕޮޒިޓިވްވެފައެވެ. މީގެ ތެރޭގައި މީހުން ދިރިއުޅޭ ރަށްތަކުން ޕޮޒިޓިވްވި 95 މީހުން ހިމެނެއެވެ. އަދި ރިސޯޓްތަކާއި ސިނާއީ ރަށްތަކުންވެސް ވަނީ 79 މީހުން ޕޮޒިޓިވްވެފައެވެ.
ހޮސްޕިޓަލްތަކުވެސް މިވަގުތު 17 މީހަކަށް ދަނީ ފަރުވާދެމުންނެވެ. ރާއްޖެއިން ކޮވިޑް ޖެހިގެން 300 މީހުން ނިޔާވެފައިވެއެވެ. މިހާތަނަށް މުޅި ރާއްޖެއިން ކޮވިޑަށް ޕޮޒިޓިވްވެފައިވަނީ 180,384 މީހުންނެވެ.