ސްރީލަންކާގެ ރައީސް ގޮޓަބަޔާ ރާޖަޕަކްސާ ރާއްޖެ އައުމުގެ ހުއްދަ ދިން ކަމަށް ފޮރިން މިނިސްޓްރީން ހާމަކޮށްފިއެވެ.
ރޭ ފޮރިން މިނިސްޓްރީން ނެރުނު ޖުރުނު ބަޔާނެއްގައި ބުނެފައިވަނީ ގޮޓަބަޔާ ރާއްޖެ އަށް އައުމުގެ ހުއްދަ ދިނީ ސްރީލަންކާގެ ސަރުކާރުން އެދިގެން ކަމަށެވެ.
އަދި މިމަހުގެ 13 ވަނަ ދުވަހު ގޮތަބަޔާ ރާއްޖެ އައި އެއާފޯސްގެ މަތިންދާބޯޓަށް ޑިޕްލޮމެޓިކް ކްލިއަރެންސް ދީފައިވަނީ ޓްރާންސިޓް ވުމަށް ރާއްޖެ އަންނަން ޖެހޭތީކަން އެބަޔާނުގައި ފާހަގަކޮށްފައިވެއެވެ.
ބަޔާނުގައިވާގޮތުން ގޮޓަބަޔާ ސިންގަޕޫރަށް ފުރާފައިވަނީ މިމަހުގެ 14 ވަނަ ދުވަހުގައެވެ. ގޮޓަބަޔާ ރާއްޖޭގައި ހުރި އިރު ނޫސްވެރިން ސުވާލުކުރުމުންވެސް ފޮރިން މިނިސްޓްރީން އެއް ޖަވާބެއް ދީފައެއް ނުވެއެވެ.
ގޮޓަބަތާ ވަނީ ސިންގަޕޫރަށް ދިއުމަށްފަހު އިސްތިއުފާ ދީ މަޖިލިސް ރައީސް އަށް އީމެއިލްއެއް ކޮށްފައެވެ.
ލަންކާގެ ހާލަތު ގޯހުން ގޯހަށް ގޮސްފައިވާއިރު އެގައުމުގެ އިގްތިސާދުވެސް ވަނީ އަޑިއަޅާލާފައެވެ.