މުޅި ރާއްޖެއަށް ނެރެފައިވާ ހުދު ސަމާލު ފަސްވަނަ ފަހަރަށް ދަމަހައްޓައިފިއެވެ.
މެޓް އޮފީހުން ބުނީ 11:30 އިން ފެށިގެން ހަވީރު 17:30 އާއި ހަމައަށް މުޅި ރާއްޖެއަށް ބޯކޮށް ވާރޭވެހޭނެ ކަމަށެވެ.
އަދި ބޯކޮށް ވާރޭވެހުމާއެކު ގުގުރުން ގަޑިއަކު 19 މޭލާ 24 މޭލާ ދެމެދުގެ ބާރު މިނުގައި ވައިޖެހި، ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށެވެ.
ކަނޑު ދަތުރު ކުރާ ފަރާތްތަކުން މޫސުމަށް ސަމާލުވުމަށް ކަމާބެހޭ ފަރާތްތަކުން އިލްތިމާސް ކުރެއެވެ.
މީގެ އިތުރުން ނެޝަނަލް ޑިސާސްޓަރ މެނޭޖްމަންޓް އޮތޯރިޓީން ބުނީ ކުރިއަށް އޮތް ތިން ދުވަހު ރާއްޖޭގެ ބޮޑު ބަޔަކަށް ވިއްސާރަ ކުރުމާއެކު ގުގުރާ އަދި އުދައަރާނެ ކަމަށް ބެލެވޭތީ ރައްކާތެރިކަމުގެ ފިޔަވަޅުތައް ދުރާލާ އެޅުން މުހިންމު ކަމަށެވެ.
ވޭތުވެދިޔަ 24 ގަޑިއިރު ތެރޭގައި ވާރޭ ރެކޯޑު ކުރެވިފައިވާ ރަށްތަކަށް ބަލާއިރު، އެންމެ ބޯކޮށް ވާރޭ ވެހިފައިވަނީ ރާއްޖޭގެ އުތުރާއި ދެކުނުގެ ސަރަޙައްދަށެވެ.
އެގޮތުން ރ. އަލިފުށީގައި ޤާއިމް ކުރެވިފައިވާ އޮޓަމެޓިކް ވެދަރ ސްޓޭޝަނުން 157ވެ.މިލިމީޓަރުގެ ވާރޭ ރިކޯޑު ކުރެވިފައިވެއެ