ފާޑުކިޔާ މީހުން ފާޑުކިޔަސް އަދި ކިތަންމެ ބިރުގަތަސް ޕީޕީއެމްގެ ޕީއެންސީގެ ރިޔާސީ ކެންޑިޑޭޓަކީ ރައީސް ޔާމީން ކަމަށް ޕީއެންސީގެ ރައީސް އަބްދުއްރަހީމް އަބްދު الله ވިދާޅުވެއްޖެއެވެ.
ޕީޕީއެމްގެ ރިޔާސީ ކެންޑިޑޭޓަކީ ރައީސް ޔާމީން ކަމަށް ކަނޑައަޅާ ރިޔާސީ ޓިކެޓް ހަވާލުކުރުމުން ގިނަ ބަޔަކު ފާޑުކިޔަމުންދާތީ ކުރެއްވި ޓުވީޓެއްގައި އަދުރޭ ވިދާޅުވީ، ޕީޕީއެމްގެ ރިޔާސީ ޓިކެޓް ދޭނެ ގޮތެއް ކަނޑައެޅުމުގެ އިހުތިޔާރު ލިބިގެންވަނީ ޕީޕީއެމް އަށް ކަމަށެވެ.
އަދި އެކަން ކުރީ ޕީޕީއެމްގެ އަސާސީ ގަަވައިދާ އެއްގޮތަށް ކަމަށެވެ.
އެހެންކަމުން ފާޑުކިޔާ މީހުން ކިތަންމެ ބިރުގަތަސް ރައީސް ޔާމީން އަކީ ޕީޕީއެމް ޕީއެންސީގެ ރިޔާސީ ކެންޑިޑޭޓު ކަމަށެވެ.
އިންތިހބު ކާމިޔާބު ކުރާނީ ރައީސް ޔާމީން ކަމަށް ގަބޫލު ކުރައްވާ ކަމަށް އަދުރޭ ވިދާޅުވިއެވެ.