އަލަމްގިރި އާއެކު އެއްޖިންސުން ގުޅުން ހިންގި މައްސަލަ އާއި ގުޅިގެން 18 ފިރިހެނެއްގެ ޕާސްޕޯޓް ހިފަހައްޓައިފާވާ ކަމަށް ފުލުހުން ބުނެފިއެވެ.
ބަންގްލަދޭޝްގެ ރައްޔިތެއްކަމުގައި އެމްޑީ އަލަމްގިރި އާއެކު އެއްޖިންސުން ގުޅުން ހިންގި މައްސަލަތަކެއް ފެންމަތިވެ ބައެއް މީހުން ވަނީ މިވަގުތު ފުލުހުންގެ ހައްޔަރުގައެވެ.
ފުލުހުން ބުނީ އެއްޖިންސުން ގުޅުން ހިންގާ ވީޑިއޯތަކުގައި ހިމެނޭ މީހުންގެ މައްސަލަތައް ބަލަމުންދާ ކަމަށެވެ.
އަދި އެ ވީޑިއޯތައް ބޭނުންކޮށްގެން ބްލެކްމެއިލް ކުރަމުންދާ މައްސަލަތަކެއްވެސް ބަލަމުންދާ ކަމަށް ފުލުހުން ހާމަކުރެއެވެ.
ލީކުކޮށްލާފައިވާ ވީޑިއޯތަކުން ފެނިފައިވާ ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު (ކާނަލް) އާއި ގާނޫނީ ވަކީލު ނާޒިމް އަބްދުއްސައްތާރު އަދި ފުލުހެއް ވެސް ވަނީ ހައްޔަރުކޮށްފަ އެވެ.