ބޮޑެތިކުށްތައް އާއްމުވަނީ ޤާނޫނު ނެތިގެން ޤާނޫނު ހަރުކަށި ނުވެގެނެއްނޫން ކަމަށާއި ނެތީ ވެރިންގެ އިޚުލާސްތެރިކަން ކަމަށަ ނައިފަރު ދާއިރާގެ ރައްޔިތުންގެ މަޖިލީހުގެ މެންބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް ކުރެއްވި ޓުވީޓެއްގައި ވިދާޅުވީ، ތަހުގީގީ އިދާރާތަކުން ފެށިގެން މުޅިނިޒާމުވަނީ ކޮރަޕްޓުވެފައި ކަމަށެވެ.
އަދި ހޯދާ ހެއްކާ، ހެކި ހޯދާގޮތާ ޗެއިން އޮފް ކަސްޓަޑީ ދުވަހަކު ފުރިހަމަނުވާއިރު ހައްލަކީ އިސްލާމީ ޝަރީޢަތް ޤާއިމުކުރުން ކަމަށް ޝިޔާމް ވިދާޅުވިއެވެ.
ޝިޔާމް މިފަދައިން ވިދާޅުވެފައި މިވަނީ އަނިޔާވެރިގޮތަކަށް މަރާލާފައި އޮތްވާ ފެނުނު އަންހެން މީހާގެ ގާތިލަށް މަރަށް މަރު ހިފުމަށް ގިނަ ބަޔަކު ގޮވަމުންދާ ދަނޑިވަޅެއްގައެވެ.