ދިވެހިރާއްޖޭގެ މިނިވަންކަމާ ޤައުމީ ސަލާމަތަށް މިއަދުއޮތް އެންމެބޮޑު ނުރައްކަލަކީ ޤައުމުގެ ދާޚިލީ އަދި ޚާރިޖީ ކަންކަމަށް އަވަށްޓެރި އިންޑިޔާގެ ނުފޫޒު އިމެއް މިނެއްނެތި ވަދެފައިވާ މިންވަރު ކަމަށް ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވެއްޖެއެވެ.
ޝިޔާމް ވިދާޅުވީ، މިކަމާ ބަހެއްބުނަން ސަރުކާރު ނުކުޅެދި ހުރިހާގޮތަކުން ކަސްތޮޅު އެޅިފައިވާ މިންވަރުން އިންޑިއާގެ ނުފޫޒު އޮތްވަރު ހާމަވާ ކަމަށެވެ.
ޝިޔާމް މިހެން ވިދާޅުވެފައި ވަނީ ނުރަސްމީ ދަތުރުފުޅެއްގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު އިންޑިއާއަށް ފުރައިވަޑައިގެންނެވި ހަބަރަށް އިޝާރާތް ކުރައްވައެވެ.
އިންޑިއާގެ ނުފޫޒު ސަރުކާރަށް އޮންނަ ކަމަށް އިދިކޮޚުން އަބަދުވެސް ތުހުމަތުކުރެއެވެ. ދޭތެރެ ދޭތެރެއިން ސަރުކާރުގެ އިސްވެރިން އިންޑިއާއަށް ރަސްމީ އަދި ނުރަސްމީ ދަތުރުތައް ކުރެއެވެ.