ދިވެހި ފުލުހުން ޚިދުމަތުގެ ނަމުގައިވެސް ސްކޭމް މެސެޖުތައް ބަޔަކު ދަނީ ފޮނުވަމުން ކަމަށާއި މިފަދަ ސްކޭމްތަކުން ރައްކާތެރިވުމަށް ލިބޭ ޓެކްސްޓް މެސްޖުތަކުގައިވާ ގޮތް ނޭނގޭ ލިންކު ތަކަށް ނުވަނުމަށް ފުލުހުން އިލްތިމާސްކޮށްފިއެވެ.
ފުލުހުން ބުނީ އެކި މުއައްސަސާތަކުގެ ނަމުގައި ސްކޭމް މެސެޖުތަކެއް ކުރަމުންދާކަމުގެ މައުލޫމާތު ލިބިފައިވާ ކަމަށެވެ. މިކަން ފުލުހުން ދަނީ ބަލަމުން ކަމަށާއި އަދި މި މެސެޖުތަކުގައިވާ އެއްވެސް ލިންކަކަށް ކްލިކް ނުކުރުމަށް ފުލުހުން ވަނީ އެދިފައެވެ.
މިފަދަ މައްސަލަތައް ރިޕޯޓު ކުރައްވަން އޮންލައިން ކްރައިމް ރިޕޯޓިންގ ޕޯޓަލް police.gov.mv/crimereport ބޭނުން ކުރެއްވިދާނެ ކަމަށާއި ނުވަތަ ހޮޓްލައިން ނަންބަރު 3322111 އަށް ގުޅައިގެންވެސް ރިޕޯޓް ކުރެވޭނެ ކަމަށް ފުލުހުން ހާމަކުރެއެވެ.