މާލެ ދެކުނުބަނދަރުން ހިދުމަތް ހޯދާ އުޅަނދުފަހަރުގެ ސެކިއުރިޓީ ބެލެހެއްޓުމާއި ފެނުގެ ޙިދުމަތް އިފްތިތާޙް ކޮށްފިއެވެ.
އެގޮތުން ދެކުނު ފަރާތު ފަޅުތެރޭގައި އަޅާފައިވާ އުޅަނދު ފަހަރުން ވައްކަން ކުރާ މައްސަލަ ހައްލު ކުރުމަށްޓަކައި، މާލެ ސިޓީ ކައުންސިލުން އެ ސަރަހައްދުގައި ސީސީޓީީވީ ކެމެރާ ހަރުކޮށް، 24 ގަޑިއިރު މޮނިޓަރ ކުރަން ފެށީ ބުރާސްފަތި ދުވަހުއެވެ.
އެގޮތުން ސީސީޓީވީ ކެމެރާ ހަރުކޮށްފައިވަނީ މެރީ ބްރައުން ކުރިމަތިން ފެށިގެން، ސްޓެލްކޯ ޕަންޕް ސްޓޭޝަނާ ހަމައަށެވެ.
މާލޭގެ މޭޔަރު ޑރ.މުހައްމަދު މުއިއްޒު ރޭ ވިދާޅުވީ މާލޭގެ ދެކުނު ފަރާތު ފަޅު ތެރޭގައި އަޅާފައި ހުންނަ އުޅަނދުތަކުން ވައްކަން ކުރާ މައްސަަލަ އަކީ ވަަރަށް ބޮޑުވެފައިވާ މައްސަލައެއް ކަމަށެވެ.
މިއަދު މެރީ ބްރައުން ކުރިމަތިން ފެށިގެން ސްޓެލްކޯ ޕަމްޕް ސްޓޭޝަނާއި ހަމައަށް މުޅި ފަޅުތެރޭ 15 ސީސީޓީވީ ކެމެރާ ވަނީ ހަރުކޮށްފައެވެ.
މޭޔަރު ވިދާޅުވީ މިކަމަކީ މާލެ ސިޓީ ކައުންސިލުން ފަށާފައިވާ މާލެ ސިޓީ ސީސީޓީވީ ޕްރޮގްރާމްގެ ދެވަނަ ފިޔަވަހީގެ ތެރެއިން ކުރެވުނު މުހިންމު މަސައްކަތެއް ކަމަށާއި ފުރަތަމަ ފިޔަވަހީގައި ވަނީ މާލެ އާއި ވިލިމާލޭގައި ހުރި ހުރިހާ މިސްކިތްތަކެއްގައި ކެމެރާ ހަރުކޮށް 24 ގަޑި އިރު ސެކިއުރިޓީ ބަލަހައްޓަން ފަށާފައި ކަމަށެވެ.
ތިން ވަނަ ފިތަވަހީގެ ދަށުން މާލޭ އުތުރު ފަރާތު ފަޅުތެރެ ބެލެހެއްޓުމަށް ސީސީޓީވީ ހަރުކުރުމުގެ ޕްލޭން ދާދި އަވަހަށް އެކުލަވާލާނެ ކަމަށް މޭޔަރު ވިދާޅުވިއެވެ.