ބަންގްލަދޭޝްގެ ރައްޔިތެއް ކަމަށްވާ އަލަމްގިރި އާއެކު އެއްޖިންސުން ގުޅުން ހިންގި ކަމަށް އެއްބަސްވެފައިވާ ރައީސް ނަޝީދުގެ ކޮއްކޮ ނާޒިމު ސައްތާރަށް މިއަދު ހުކުމް އިއްވާނެއެވެ.
މި މައްސަލާގައި ނާޒިމްގެ މައްޗަށް ކުރާ އެއް ޖިންސުން ގުޅުން ހިންގުމުގެ ދައުވާއަށް އޭނާ ކޯޓުގައި މިމަހުގެ 11 ވަނަ ދުވަހު އެއްބަސްވެފައި އޮތުމުން އޭނާގެ މައްޗަށް އަވަސް ނިޔާއިން މައްސަލަ ނިންމައި، ހުކުމް ކުރުމަށް ބާއްވާ ޝަރީއަތުގެ މަޖިލިސް އޮންނާނީ ހަވީރު 16:30 ގައެވެ.
ބަދު އަހުލާގީ މައްސަލައެއް ކަމަށް ވާތީ މިމައްސަލައިގެ ޝަރީއަތް ކުރިއަށް ގެންދަނީ ސިއްރުކޮށްގެންނެވެ.
ނާޒިމްގެ މައްޗަށް ދައުލަތުން ކޮށްފައިވާ ދައުވާގެ އަސާސީ އަދަބަކީ، ނުވަ މަހާއި 18 ދުވަހުގެ ޖަލު ހުކުމެކެވެ.
ނަމަވެސް އޭނާ ކުށަށް އިއުތިރާފުވެފައިވާތީ ދަރަޖަ ލުއިކޮށް، އޭނާގެ މައްޗަށް އަންނާނެ ކަމަށް ބެލެވެނީ ހަތް މަހާއި ހަ ދުވަހުގެ ހުކުމެކެވެ.