މާލެ ސިޓީގައި އާ ޕާރކިން ޒޯނެއް ހަދައި ބޭނުން ކުރަން ފަށައިފިއެވެ.
މާލެ ސިޓީގެ މޭޔަރު ޑރ މުހައްމަދު މުއިއްޒު ވިދާޅުވީ، މިނީ ބަސް އޮޕަރޭޝަނަށް އޯރކިޑް މަގުގެ ޕާރކިން ނަގާ އޭގެ ބަދަލުގައި ޕާރކުން ޖާގަ ހަމަޖެއްސުމަށްޓަކައި މާފަންނު ސްޓާރލިން، ލާމި ގޭގައި ހެދި ޕާރކިން ޒޯން ހުޅުވާފައިވާ ކަމަށެވެ.
އަދި މި ޕާރކިން ޒޯނުގައި 50 ސައިކަލާއި 15 ކާރު ޕާރކު ކުރެވޭ ގޮތަށް ވަނީ ކުރަހާފައެވެ.
މާލޭގައި މިނީބަހުގެ ހިދުމަތް ދޭން މިމަހު ފެށިއިރު މަޖީދީ މަގާއި އަމީނީ މަގުގައިވެސް މިހާރު ޕާރކު ކުރުން މަނައެވެ. އަދި މިނީ ބަހަށް ދަތިވާ ގޮތަށް ހުންނަ އުޅަނދުތައް ފުލުހުން ދަނީ ނަގަމުންނެވެ. އަދި ވަޔޮލޭޝަން ސްޓިކާ ޖަހާ ޖޫރިމަނާވެސް ކުރަމުންނެވެ.