ހިންމަފުށީގައި ހުންނަ އައްސޭރި ޖަލުން ރޭ ފިލަން އުޅުނު ދެ ގައިދީން އަތުލައިގެންފިއެވެ.
ޕްރިޒަންސް ކޮމިޝަނަރު އަހްމަދު މުހައްމަދުފުޅު ކުރެއްވި ޓުވީޓެއްގައި ވިދާޅުވީ އައްސޭރި ޖަލުގެ ފާރުމަތިން ފުންމާލައިގެން ފިލަން އުޅުނު ދެ ގައިދީއަކު ރޭ ހިފަހައްޓާފައިވާ ކަމަށެވެ.
އަދި އެ ހާދިސާ ހިނގާ ދިޔަ ގޮތް ދަނީ ބަލަމުން ކަމަށާއި ގައިދީން ފިލުންފަފަ ކަންކަން ތަކުރާރު ނުވާނެ ގޮތަށް އަޅަންޖެހޭ ފިޔަވަޅުތައް އަޅާނެ ކަމަށް ވެސް ވިދާޅުވެފަްިވެއެވެ.
ނަމަވެސް މިމައްސަލަ ބައްލަވަމުންދާ ކަން ފިޔަވައި އިތުރު ތަފުސީލެއް ދެއްވާފައެއް ނުވެއެވެ.
ހިންމަފުށީގައި ހުންނަ އައްސޭރި ޖަލުގައި ހުކުމް ތަންފީޒު ކުރަމުންދަނީ މަސްތުވާތަކެތި ބޭނުން ކުރުމުގެ މައްސަލަތަކުގައި ހިމެނޭ ގައިދީންނެވެ.