އަރަބިއްޔާ ސްކޫލްގެ ޕްރިންސިޕަލް ވަކިކުރުމާއި ދެކޮޅަށް ބެލެނިވެރިން ނިކުމެ މުޒާހަރާ ކުރަން ފަށައިފިއެވެ.
އަރަބިއްޔާ ފެމިލީ ގުރޫޕުން މައުލޫމާތުދީފައިވާ ގޮތުގައި މިވަގުތު މުޒާހަރާ ކުރާ ބެލެނިވެރިން ތިބި ސަރަހައްދަށް ފުލުހުންވެސް ވަނީ ގޮސްފައެވެ.
އަރަބިއްޔާ ސުކޫލުގެ ޕްރިންސިޕަލް މުހައްމަދު ޝުޖާއު އަބުދުއްރަހީމް އެ މަގާމުން ވަކިކޮށް އިސްކަންދަރު ސުކޫލުގެ ޕްރިންސިޕަލް ހުސެއިން ސައީދާއި އަރަބިއްޔާ ހިންގުން ވަގުތީ ގޮތުން ހަވާލުކުރުމުން ބެލެނިވެރިން ވަނީ ރޭ ވެސް ނުރުހުން ފާޅުކޮށްފައެވެ.
ޖެނުއަރީ 8، 2018 ގައި އަރަބިއްޔާގެ ޕްރިންސިޕަލް ކަމަށް ހަމަޖެއްސި، ޝުޖާއު މަގާމުން ވަކިކޮށް އޭނާ ވަނީ ނޭޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އަށް މިހާރު ބަދަލުކޮށްފަ އެވެ.