ދިވެހި ރުފިޔާގެ ނިޝާނާއެކު 50 ރުފިޔާގެ އައު ނޫޓެއް އެމްއެމްއޭއިން ތައާރަފްކޮށްފިއެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ތައާރަފްކުރި މި ނޫޓުގެ ދެފުށުގައިވެސް ދިވެހި ރުފިޔާގެ ނިޝާން ހިމަނާފައިވެއެވެ.
ނޫޓުގައި ސޮއިކޮށްފައިވަނީ ގަވަރުނަރު އަލީ ހާޝިމެވެ. މި ނޫޓު އުފައްދާފައިވަނީ 8 ސެޕްޓެމްބަރު 2022 ގައެވެ.
އެމްއެމްއޭ އިން ބުނީ ފަންސާސް ރުފިޔާގެ އައު ޗާޕު ނެރޭ ތާރީހު ފަހުން އިއުލާން ކުރާނެ ކަމަށެވެ.
އަދި މި ނޫޓާއެކު މިހާރު ދައުރު ކުރަމުންދާ 50 ރުފިޔާގެ ނޫޓުވެސް ދައުރުވާނެ ކަމަށް އެ އިދާރާއިން ހާމަކުރެއެވެ.
