މިއަދު ހަވީރު އިވްނިންކެފޭގައި ހިނގި އަލިފާނުގެ ހާދިސާގައި މިހާތަނަށް 7 މީހަކަށް ވަގުތީ ބޯހިޔާވަހިކަން ފޯރުކޮށްދެމުންދާ ކަމަށް ނެޝަނަލް ޑިސާސްޓަރ މެނޭޖްމަންޓް އޮތޯރިޓީން ބުނެފިއެވެ.
އެ އޮތޯރިޓީން ބުނީ އީވްނިންގް ކެފޭގައި ހިނގި އަލިފާނުގެ ހާދިސާއާއި ގުޅިގެން މ.ގުލޭނޫރަންމާގޭގެ 4 އަދި 8 ވަނަ ބައިން ޖުމްލަ 7 މީހަކަށް ވަގުތީ ބޯހިޔާވަހިކަން ދަނީ ފޯރުކޮށްދެމުން ކަމަށެވެ.
އަދި އަލިފާނުގެ ހާދިސާއާއި ގުޅިގެން އެ އޮތޯރިޓީން ދަނީ ހަރަކާތްތެރި ވަމުން ކަމަށާއި ވަގުތީ ބޯހިޔާވަހިކަން ބޭނުން ޖެހިފައިވާ މީހުން ދެނެ ގަތުމުގެ މަސައްކަތް ދަނީ ކުރަމުން ކަމަށް ވެސް އެ އޮތޯރިޓީން ހާމަކުރެއެވެ.