ހުޅުމާލެ ފޭސް ދެއެއްގެ ހިޔާ އަވަށުގައި ގާއިމުކުރި ހުޅުމާލެ ހޮސްޕިޓަލުގެ ކްލިނިކުން ހިދުމަތް ދޭން ފަށައިފިއެވެ.
މި ކްލިނިކް ހުޅުވާފައިވަނީ އެޗް 16 ވަނަ ޓަވަރުގެ ގްރައުންޑް ފްލޯގައެވެ.
ހުޅުމާލެ ހޮސްޕިޓަލުން ބުނީ މި ކްލިނިކްގެ ހިދުމަތް ދޭނީ ކޮންމެ ދުވަހެއްގެވެސް ހެނދުނު 10 އަކުން ހަވީރު 17:00 އަށް ކަމަށެވެ.
އަދި ހުކުރު ދުވަސްތަކާއި ސަރުކާރު ބަންދު ދުވަސްތަކުގައި ކްލިނިކް ބަންދުވާނެ ކަމަށް ހުޅުމާލެ ހޮސްޕިޓަލުން ހާމަކުރެއެވެ.
މި ކްލިނިކުގައި ބަލިމީހުން ބައްލަވާ ފަރުވާދެއްވާނީ ހުޅުމާލެ ހޮސްޕިޓަލުގެ ޑޮކްޓަރުން ނެވެ. މި ކްލިނިކްއިން ފަރުވާދެމުން އަންނާނީ އާންމު ބަލިތަކަށް ނަމަވެސް، ވަކިވަކި ބަލިތަކަށް ހާއްސަ ޑޮކްޓަރުންނަށް ދެއްކެވުމަށް އެޕޮއިންޓްމެންޓްވެސް ހެދޭނެ އެވެ.