މިއަދު ބޭއްވި އެމްޑީޕީ ޕްރައިމަރީގެ އިންތިހާބަކީ ކޮރަޕުޝަނާއި ފަސާދައިގެ ގުންޑާ އިންތިހާބެއް ކަމަށް މާފަންނު މެދު ދާއިރާގެ މެމްބަރު އިބްރާހިމް ރަޝީދު ވިދާޅުވެއްޖެއެވެ.
ބޮންޑޭ މިހެން ވިދާަޅުވީ ޕްރައިމަރީގެ ވޯޓުލުން ނިމި ނަތީޖާ އިއުލާން ކުރަން ފެށުމުން އިންތިހާބުގެ ކުރީގައި ރައީސް ސާލިހު އުޅުއްވާތީ ކުރެއްވި ޓުވީޓެއްގައެވެ.
އޭނާ ވިދާޅުވީ މި އިންތިހާބު ބާއްވާފައިވަނީ ރައީސް ނަޝީދަށް ތާއީދުކުރާ 39 ހާސް މެންބަރުން އެމްޑީޕީން ބޭރުކޮށްފައި ކަމަށެވެ.
އަދި މީގެ ތެރެއިން ބައެއް އެޕާޓީގެ މެންބަރުން އެކި އެކި އެހެން ޕާޓީތަކަށް އަރުވާލާފައިވާ ކަމަށްވެސް ބޮންޑޭ ވިދާޅުވިއެވެ.
ބޮންޑޭ އިތުރަށް ވިދާޅުވީ ޑިމޮކްރަސީއަށް ލޯބިކުރާ އެއްވެސް ރައްޔިތަކު މިއަދު ބޭއްވުނު އިންތިހާބު ގަބޫލު ނުކުރާނެ ކަމަށެވެ.
