ތުރުކީގެ އިރުދެކުނު ސަންލިއުރްފާ އާއި އަޑިޔާމަން ޕްރޮވިންސްގައި ބޯކޮށް ވާރޭވެހި ފްލެޝް ފްލަޑްތަކެއް ހިނގައި 10 މީހަކު މަރުވެއްޖެއެވެ.
ތުރުކީގެ އަނަޑޯލޫ ނިއުސް އެޖެންސީން އާއްމުކޮށްފައިވާ ވީޑިއޯތަކުން ފެންނަގޮތުގައި ފެންބޮޑުވުމުގެ ސަބަބުން ކާރުތަކާއި ކުނިކޮޅުތައް ގެންގޮސް ބައެއް އިމާރާތްތަކުގެ ބިންގަރާހާއި ގްރައުންޑް ފްލޯ ފެންބޮޑުވެ، މެދުތެރޭ ސަންލިއުރްފާގެ މަގުތައް ކޯރުތަކަށް ވަނީ ބަދަލުވެފައެވެ.
ގެއްލިގެން ހޯދަމުންދާ މީހުންނާއި އިމާރާތްތަކުގައި ތާށިވެފައި ތިބި މީހުން ހޯދުމާއި ސަލާމަތް ކުރުމުގެ މަސައްކަތްތައް ކުރިއަށް ގެންދިޔައީ ޑައިވަރުންނާއި ދޯނިފަހަރުން ކަމަށް އެގައުމުގެ ޑިޒާސްޓާ މެނޭޖްމަންޓް އޮތޯރިޓީ (އަފާދު) އިން ބުނެއެވެ.
އެގޮތުން ވޭތުވެދިޔަ 24 ގަޑިއިރުގެ ތެރޭގައި ގެއްލުން ލިބުނު އަވަށްތަކަށް އަކަމީޓަރަކަށް 100 މިލިމީޓަރަށްވުރެ ގިނައިން ވާރޭ ވެހިފައިވެއެވެ.
ގާތްގަނޑަކަށް 2.7 މިލިއަން މީހުން އެ އަވަށްތަކުގައި ދިރިއުޅެއެވެ.
މިދިޔަ މަހު އައި ބިންހެލުންތަކުގައި ތުރުކީގައި 48،000 އަށް ވުރެ ގިނަ މީހުން މަރުވެ އެތައް މިލިއަން ބަޔަކު ގެދޮރު ގެއްލިފައިވާއިރު މި ފެންބޮޑުވުމުގެ ސަބަބުން އަނެއްކާވެސް ގިނަ ބަޔަކު ވަނީ ހާލުގައި ޖެހިފައެވެ.
