ޕާކިސްތާނުގެ ސަރުކާރުން ޕެޓްރޯލް ލީޓަރަކުން 30 ރުޕީ އިތުރުކޮށް ޕެޓްރޯލް އަގު ބޮޑުކޮށްފި އެވެ.
މިއާއެކު ޕާކިސްތާނުން ވިއްކާ ޕްޓްރޯލް ލީޓަރެއްގެ އަގު 179.86 ރުޕީ އަދި ޑީސަލް ލީޓަރެއްގެ އަގު 174.15ރުޕީއަށް ވަނީ އުފުލިފަ އެވެ. މިއަގުތައް އުފުލިފައިވަނީ މިއަދުން ފެށިގެންނެވެ.
ޕެޓްރޯލަށް މި ބަދަލު އައިސްފައި މިވަނީ ޕާކިސްތާނުގެ ބޮޑުވަޒީރު ޟެހްބާޒް ޝާރިފް އިގްތިސާދު ކޮޅަށްޖަހަން އެއްބާރުލުން ދިނުމަށް އައިއެމްއެފް އާއެކު އެއްބަސްވުމަކަށް ނުދެވޭކަން އިއުލާން ކުރިތާ 24 ގަޑިއިރުގެ ތެރޭގަ އެވެ.
ޕެޓްރޯލްގެ އަގުބޮޑުވިކަން އިއުލާން ކުރައްވަމުން ޕާކިސްތާނުގެ ފިނޭންސް މިނިސްޓަރ މިފްތާހް އިސްމާއިލް ވިދާޅުވީ ވިދާލުވީ މި ފިޔަވަޅު އަޅާފައި މިވަނީ އައިއެމްއެފްގެ ޕްރޮގްރާމްގެ މުހިއްމުކަން ކަށަވަރު ކުރުމަށެވެ. އަދި މިއީ އުނދަގޫ ފިޔަވަޅެއް ނަމަވެސް، މީގެ ސަބަބުން ޤައުމުގެ އިގްތިސާދަށް އެދެވޭ އަސަރު ކުރާނެކަމަށް ވަނީ ވިދާޅުވެފަ އެވެ.
ޕާކިސްތާނުގައި ވަނީ ޑޮލަރުގެ އަގުވެސް ދަށަށް ގޮސްފައެވެ.